3º Trimestre

VISITA Á BIBLIOTECA

 O alumnado de 2º de primaria foi convidado polo persoal da biblioteca do Forum ao xuízo do Lobo Feroz. Onde a través da lectura de imaxes e o traballo do conto ilustrado coñecimos un pouco máis sobre ese encantado lugar cheo de libros agardando que os levemos para as nosas casas.

CELEBRACIÓN DO DÍA DO LIBRO

Na biblioteca do Centro, e organizado polo equipo dela, tiveron lugar lecturas diversas por e para o alumnado do Ciclo.

SAÍDA AO CASTELO DE SAN ANTÓN

Visita interesantísima ao Museo Arqueolóxico. O alumnado descubriu un castelo por dentro, e tomou contacto coa prehistoria e a historia da nosa contorna a través dos obxectos expostos e as valiosas explicacións de monitores e mestres. A visita rematou coa manipulación de copias de pezas vistas nas vittrinas, que serviu para repasar o aprendido. 
Lástima que a metereoloxía non axudou para desfrutar máis plenamente do Castelo de San Antón!

CONTACONTOS NO CENTRO

SAÍDAS 

Saídas do programa educativo "Vexo, vexo, biodiversidade na Coruña"

A lagoa de Eirís e a Punta Herminia.

Descubrimento e vivenciación da riqueza natural próxima, con especial atención a especies animais e vexetais e ao concepto de ecosistema. Previamente realizáronse na aula traballos de información e actividades de reforzo a cargo de monitores enviados polo Concello.

Fin de curso

O EQUIPO DE 1º CICLO DESEXAVOS UN BO VERÁN!

2º Trimestre curso 2013/2014

TEATRO CONSTELACIÓNS

            O 31 de xaneiro asistimos a un orixinal espectáculo teatral no Teatro Rosalía de Castro. Unha obra inspirada na forma de pintar, esculpir e texer do artístca Joan Miró. Cinco bailaríns, diferentes obxectos, luces e cores en movemento conseguiron transmitir aos rapaces/zas as emocións do universo do pintor mallorquín.

GALICIA EN FEMENINO

Desde o equipo de dinamización da lingua galega, realizamos co alumnado un traballo sobre “As mulleres galegas de onte e de hoxe”  que levou por título: GALICIA EN FEMININO.  Co obxectivo de resaltar o papel da muller ao longo da historia e fomentar o valor da igualdade en tódolos ámbitos. 

            Na aula de 1º elaboramos un conto ilustrado sobre Ángela Blanco de Soto, unha das fundadoras da nosa escola. 

Na aula de 2º fixemos un percorrido polas mulleres con recoñecemento na nosa cidade, ás que se lle dedicaron rúas, prazas, estatuas (María Pita, Emilia Pardo Bazán, Rosalía de Castro, Ánxela B. de Soto, María Barbeito, Concepción Arenal, Berta Tapia… ). E con isa información construimos un taboleiro simulando o do Monopoly. Na casa os nenos/as practicaron a técnica da entrevista dirixíndose as mulleres máis importantes da súa vida: as nais, vendo a importancia do seu labor para eles e para a sociedade.

A RECICLAXE

Outro dos temas da educación en valores traballado durante o trimestre foi o da reciclaxe. A importancia de reducir, reutilizar e reciclar. A raíz do traballo neste ámbito xurdiu a iniciativa por parte do alumnado de organizar un concurso a mellor reutilización dunha botella de plástico. E aquí os excelentes resultados:

A SEMANA DA PRENSA

Para conmemorar a semana da prensa achegamos os xornais as nosas aulas e dende elas os rapaces e rapazas trasncribiron as noticias que máis lles gustaron ou impactaron. Este foi i resultado:

CURSO 2013-14

Despois dun trimestre, facemos recordatorio dalgunhas actividades desenroladas no ciclo. Facemos mención daquelas que, polo seu carácter extraordinario, resultan novidosas ou rechamantes. Pero non debemos olvidar que o peso do traballo son as tarefas que día a día, sen chamar a atención de ninguén, van facendo do alumnado cidadáns competentes na medida das súas posibilidades, de todas as súas posibilidades.

EDUCASAÚDE

Durante o mes de novembro participamos neste programa educativo municipal en horario lectivo. Tres sesións a cargo de monitores serviron para traballar Saúde Médica (dieta equilibrada, hábitos hixiénicos, seguridade vial en evitación de accidentes), Saúde Psicosocial (habilidades sociais para a convivencia) e Educación Social Preventiva (clasificación do lixo, reciclado, implicacións medioambientais, riscos do tabaquismo).

A actividade resultou interesante para o alumnado, tanto polos medios empregados como pola súa temática.

DÍA INTERNACIONAL CONTRA A VIOLENCIA DE XÉNERO

Este curso, ante a demanda social urxente dunha educación en valores que evite a vioilencia de xénero nas futuras xeracións de adultos, o Centro traballará na primeira metado do curso con especial incidencia no tema transversal da igualdade dos dereitos de mulleres e homes.

O Día Internacional contra a Violencia de Xénero (25 de novembro) non podía pasar desapercibido nas aulas do ciclo. Partindo dunha noticia recente, explicacións ao nivel comprensivo do alumnado culminaron na representación plástica de condutas admisibles e condutas inadmisibles.

OUTONO, SAMAÍN, HALLOWEEN

Decoracións, importancia da castaña, froitos propios da estación. Todo combinado cun ambiente de clara superación de medos e invitación á festa propia do equinoccio.

VISITA AO MAC

O día 19 de decembro o ciclo visitou o MAC (Museo de Arte Contemporáneo).
O tema central da visita foi o uso e tratamento da imaxe segundo as características físicas da luz, e a evolución dese uso ao longo da historia recente a través dos diferentes dispositivos inventados polo home (lanterna máxica, proxector de cine, proxectores actuais de diferentes tipos).
Comezou a visita cunhas fotos do grupo. O estudo dunhas fotografías e proxeccións artísticas dos fondos do museo deu pé para "intervirmos" nunha das obras proxectando nela un debuxo noso. A continuación realizamos un obradoiro no que, partindo das anteriores fotografías do grupo das que se retiraran os rostros dos nenos/as, intervimos proxectando os rostros e variando deste xeito a foto inicial. Todo isto dinamizado cun interesante sentido do humor que fixo do contido técnico algo moi atractivo para o alumnado.
Como complemento vimos diferentes reportaxes e fragmentos de películas nas que se relataba, a modo de documental, a evolución dos aparellos que permitiron o dominio da proxección de imaxes desde o século XIX.

NADAL

Como actividade da festa tradicional do Nadal, o día 13 de decembro o ciclo desfrutou dunha visita de Papá Noel facilitada polo Concello, que constituíu un espectáculo musical participativo interesante para o alumnado.

O día 20 recibimos a visita das Súas Maxestades os Reis Magos de Oriente, cargados de ilusión e chuches doadas polos comerciantes do barrio.

Como fin de trimestre asistimos, o mesmo día 20, a un marabilloso concerto de corda interpretado ppolo grupo Arcos Iris (grupo de músicos da Sinfónica), cunha calidade musical e un plantexamento didáctico excelentes.

O CICLO DESÉXAVOS BO NADAL E VENTUREIRO ANINOVO