TRIMESTRE DO MEDIO AMBIENTE

No Centro traballouse neste trimestre o coidado do medio ambiente.

No 1º Ciclo realizáronse saídas dentro do programa Veo Veo do Concello de A Coruña relacionadas co tema. Os do 1º nivel fomos a Punta Herminia e os do 2º nivel á Lagoa de Eirís.

Fixemos lecturas relativas ao tratamento do lixo e hábitos que fomenten o reciclado.

O día 8 de xuño, Día do Medio Ambiente, o colexio enteiro celebrouno con actividades organizadas polo Concello dentro do Plan Rúa.

No noso ciclo consistiron nunha charla teórica, moi ben enfocada ao fomento de boas prácticas nos espazos públicos e no tratamento do lixo, e a continuación xogos moi motivadores para reforzar as informacións previamente recibidas. 

Esperemos que estas actividades fomenten, co exemplo dos adultos, unha actitude cada vez máis ecolóxica na vida cotiá dos cidadáns presentes e futuros.