TEATRO: "A GALIÑA"

No marco do traballo do tema da convivencia representamos unha sinxela obra de teatro para o alumnado de Educación Infantil e o dos Ciclos 1º e 2º de Educación Primaria. O tema da obra é a necesidade do esforzo para obter os beneficios correspondentes, de xeito que a convivencia non pode estar baseada na explotación dos demais.

A obra contou cun cartel de presentación do que o público podía obter os billetes para entrar no salón de actos.

Houbo varias funcións con diversidade de actores que amosaron as súas cualidades interpretativas para deleite do respectable público. Aplausos cálidos de agradecemento repetíronse en todas. Pódese falar sen dúbida de rotundo éxito.

Dentro do traballo da convivencia repre

TRIMESTRE DA CONVIVENCIA

O presente trimestre e ata finais de xaneiro, todo o CEIPP "Anxo da Garda" traballará a convivencia como un obxectivo educativo central.
Dentro deste traballo asistimos a unha representación teatral no Fórum Metropolitano o pasado 19 de outubro.

Ademais de desenvolver hábitos cívicos de asistencia a espectáculos culturais como fonte de pracer, a aportación temática da obra represenada é esencial no traballo da convivencia. A motivación da mesma dá pé para posteriores actividades na aula.
A obra teatral céntrase nunha comunicación non verbal na que, mediante a expresión corporal dos actores e diversos efectos sonoros e escénicos, faise comprender ao alumnado o valor do COMPARTIR para acadar a convivencia. Pola súa novidosa posta en escea, a claridade da mensaxe e o seu axuste aos intereses e capacidades do alumnado de 1º Ciclo resultou do noso agrado.

A

Benvidos ao novo curso

Dende o blog damos a benvida aos pais/nais e alumando de 2º (xa vellos coñecidos) e de xeito especial aos pais/nais e alumnado de 1º, que estrean novo curso e nova etapa educativa (Educación Primaria).
Os receos diante da nova tarefa están sempre presentes, pero desexamos que as ilusións sexan máis poderosas ca os temores para podermos conseguir os resultados educativos que procuramos.

Xa levamos un mes longo de traballo, con adaptación ás novas situacións por parte de alumnado, profesorado e familias, e coidamos que o prognóstico é bo. Éxitos para todos!

XUÑO 2012

Chegados aquí, desexámosvos unhas felices vacacións. Deixámosvos en compañía da carta de axuste, ata que en setembro reanudemos a nosa programación.

Xunto cos froitos das nosas aprendizaxes, apañamos a fin de curso unha marabillosa colleita de xudías e patacas. Velaquí a mostra dos nosos logros.

TRABALLANDO A SOLIEDARIEDADE

O pasado día 20 alumnos/as de 1º acudiron á aula de Educación Infantil de 3 anos para axudar a traballar aos compañeiros/as máis novos do Colexio. A actividade consistía en dar cor a un debuxo de Bob Esponxa.
O alumnado de 1º explicou, con todo detalle e moita paciencia, como debían coller os instrumentos de pintado, que non debían dar cor por fóra das liñas e trucos para conseguilo.
A experiencia foi moi enriquecedora para todos: os máis novos viron uns modelos de conduta e traballo moito máis próximos a eles ca as mestras, e os de 1º vivenciaron o moito que eles levan aprendido e como son quen de enriquecer a outros co que saben.

Uns e outros desexan repetir experiencia.

VISITA AO PORTO DE A CORUÑA 15/5/2012
Os seguintes debuxos resumen  a visita que fixemos os nenos e nenas de 2º nivel.

Nun autobús, que despois nos deixou cerca da cafetería que está na entrada  da" lonja", fixemos un 

percorrido polo peirao.

 

Vimos trasatlánticos.A monitora explicounos que nunca poden entrar sos no porto(ten que ir o práctico do porto) e que a nosa cidade gústalle moito a todos os que a visitan.

Tamén nos dixo que o guindastre máis vello que hai no porto e a que lle chaman  6 e que os norais  serven para atar os barcos coas amarras. Vimos uns  depósitos enormes chamados "silos".

Entramos no edificio da "Lonja" e as paredes dos corredores tiñan moitos carteis con peixes e mariscos.

A monitora levounos a unha aula na que nos mostrou: a alúmina coa que se fai o aluminio,ulimos sementes de cacao,vimos carbón,petróleo, ferro,algodón e sementes de algodón que comen as vacas como lambetada...Todo isto descárgase no noso porto.Nesa aula estaba a bandeira do porto que é coma a de Galicia ,pero sen o escudo.

Deixáronnos entrar na sala onde tiñan todas as pantallas para controlar todo o que ocorre no porto.

Despois percorrimos as zonas onde estaban traballando co peixe.Deixáronons ver a pescada, o rape coa boca enorme,cigalas,navallas, berberecho e ameixas...E ,o mellor de todo ,tiraronnos xeo do que tiñan para meter nas caixas do peixe.

Nas caixas meten os peixes e os mariscos co xeo ,embálanse e as trasladan a outros lugares e alí comen os
nosos peixes moi ricos.Os mellores de España!

E nese momento  rematou a nosa visita.

Premiados  de 2º nivel no Certame Literario"Emilia García Barreiro"

Os primeiros premios de comic e poesía foron publicados na revista literaria do Anxo polo que non  aparecen neste blog.

3º premio na categoría de conto : "A eiruga comilona" de Hugo Sánchez

A eiruga comilona

No máis profundo do bosque vivían uns animais

pequenos: saltóns , escarabellos , abellas... e todos

ríanse da eiruga porque non facía máis que comer e

arrastrarse.

Pasaron uns días e a eiruga convertiuse

nunca fermosa bolboreta e os demáis quedaron

alucinados pola súa maneira de voar e pola cor das

súas as.

2º premio na categoría de comic :"Monstros" de Lois Sobrido e Jorge Domato

                                        “ MONSTROS”

No comando X pasou algo terrible –Os monstros escaparon!

Dalgunha forma é o fin do mundo.

Para salvar ao Planeta o comando X debe capturar a tódolos monstros e volver encerralos na cova do comando de donde non poderan fuxir xamais

 Como os monstros son demasiados o comando X pide axuda aos seus amigos do comando Z para unir as súas forzas e así poder derrotalos.

Gracias a que os dous comandos uniron as súas forzas e loitaron xuntos , conseguiron derrotar a tódolos monstros e salvar o Planeta.

3º premio "A estrela bailarina" de Lydia Sandá e Patricia Mena

CERTAME LITERARIO EMILIA GARCÍA BARREIRO

Este curso o Centro celebrou o 1º Certame Literario "Emilia García Barreiro", adicado á memoria da que foi mestra deste colexio. Estivo aberto á participación de todo o alumnado. Establecéronse premios por Ciclos e categorías.
Os primeiros premios de cada categoría foron publicados en soporte papel e distribuídos á comunidade educativa.
Os segundos e terceiros premios de cada categoría correspondentes ao Primeiro Ciclo de Primaria son estes:

De 1º:
Conto: 2º premio. "A MOMIA E O VAMPIRO", de BRAIS LÓPEZ.

Poesía: 2º premio "A LÚA CHORA SOBRE O MAR", de ADRIÁN LÓPEZ e SARA SÁNCHEZ.

             3º premio "OS SENTIMENTOS ALEGRES", de SHEILA FRESNEDA e J. BRAIS PRIETO.

VISITA DE 1º AO MUSEO DE BELAS ARTES


O día 10 de maio o alumnado de 1º de E.P. visitou o Museo de Belas Artes de A Coruña, nunha actividade dentro do programa educativo do Concello.

Na visita unha monitora explicou diferentes cadros e estatuas baixo o título "As personaxes do Museo". Este tema serviu de adaxe para profundizar co alumnado na confección de retratos de diferentes estilos, dende autores do século XVII ata outros máis recentes (Picasso, Luís Seoane, Isaac Díaz Pardo).
Coñecemos personaxes mitolóxicas (Hércules, Dédalo e Ícaro), históricas (Margarida de Austria), e anónimas.
Tamén aprendemos o nome e utilidade dalgunhas ferramentas empregadas polos pintores, e os rasgos elementais dalgunhas técnicas e estilos (Barroco, Cubismo).

Ao rematar a visita participamos nun obradoiro consistente en "modificar" as expresións das caras de catro personaxes pertencentes a un cadro de Isaac Díaz Pardo que viramos nunha das salas do museo.

A experiencia foi moi enriquecedora.

MAIO


O día 9 de maio, o alumnado de Educación Infantil e 1º Ciclo de E.P.participou nunha actividade organizada pola ANPA. Consistiu na elaboración dun maio.


Estas construcións feitas con plantas e flores, nas que tamén poden empregarse froitas e decoracións doutros materiais, constitúen unha antiquísima homenaxe á primavera. A súa orixe pérdese nos tempos, e forma parte das celebracións festivas relacionadas cos ciclos da Natureza que están tan presentes na cultura galega, moitas veces tinxidas de aspectos relixiosos superpostos: Magosto-Samaín (equinoccio de outono), Nadal e cantos de Reis (solsticio de inverno), Lumeradas de San Xoán (solsticio de verán).

Nas Rías Baixas e Ourense aínda se conserva este costume con moito arraigo popular. Organízanse desfiles moi vistosos, e é habitual que os cativos pidan algo aos veciños que os presencian.

Esta festa tradicional deu lugar a obras senlleiras da literatura galega, como o poema titulado "O maio", de Manuel Curros Enríquez.

Ahi ven o maio 
de frores cuberto
puxeronse a porta 
cantandome os nenos
os puchos furados 
pra min extendendo
pedironme crocas 
dos meus castiñeiros

Pasai rapaciños 
calados e credos
que o que é polo de hoxe 
que darvos non teño
eu sonvos o probe: 
o povo galego
pra min non hai maio, 
pra min sempre é inverno.

Cando eu me atopare 
de donos liberto
que o pan non mo quiten, 
trabucos e prestemos
que, coma os do abade, 
frorezan meus eidos
chegado haberá enton 
o maio que eu quero.

Queredes castañas 
dos meus castiñeiros
cantademe un maio 
sen bruxas nin demos
un maio sen segas, 
usuras nin preitos.
nin foros nin cregos

Máis fotos da visita ao MACUF.

VISITA AO MACUF


O día 8 de maio visitamos o MACUF (Museo de Arte Contemporánea de Unión-Fenosa)

Ademais de ver e desfrutar algunhas das obras do museo, participamos nunha actividade chamada SABOROSOS SUSTOS, da que o obxectivo era desmitificar os medos infantís. Comezamos cunha obra de teatro na que un terror era vencido comendo unha chocolatina "máxica" coa imaxe gravada de aquilo que provacaba o medo. Despois o alumnado fabricou as súas chocolatinas e comeunas.
Ademais vimos fragmentos de películas de "terror" nas que o aparente medo era tratado de xeito humorístico (El mago de Oz, Monstruos S.A....).

As actividades realizadas e o trato do persoal do museo foron excelentes. A visita resultou de moito interese educativo.

ECOSISTEMAS E PLANTAS

No noso ciclo fixemos plantacións diferentes en vasiños de plástico(con algodón e auga) que despois de duns sete días traspasamos a recipientes con terra para poder ver como medran.

Plantamos: patacas , fabas , alpiste , cañamón , garabanzos e lentellas.Os que xerminaron antes foron as lentellas e o alpiste e despois as fabas e os garabanzos ,pero neste momento  as que están máis fortes e grandes son as patacas e as fabas.

Tamén temos ( como podedes ver ) un pequeno ecosistema con plantas e caracois e algún  mosquito  que non sabemos moi ben de onde veñen.

DÍA DA PAZ
O día 30 de xaneiro conmemoramos o Día da Paz no noso colexio.
Os alumnos e alumnas de 1º ciclo fomos os encargados de ler este manifesto de paz :

MANIFESTO DE PAZ

Hoxe é un día moi importante o DIA DA PAZ

Por iso estamos aquí todos xuntos para  celebralo e comprobar como os  nosos bos propósitos construiron a  Casa da Paz.

Paz non so  é unha palabra moi bonita, senon  que a paz implica:

Amar todo o que nos rodea : natureza ,compañeiros,pais profesores...

Facer as cousas o mellor que poidamos,sorrir ,ser pacientes e bos...

Non rechazar a ninguén pola súa cor,aspecto ou forma de pensar

Non excluir dos nosos xogos ou reunións a ningún compañeiro .

Se nos agora de nenos non deixamos participar a todos no noso grupo; de maiores seremos uns adultos intolerantes..

Se contestamos con palabrotas, patadas ou golpes cando outro compañeiro nos fai dano ;de grandes seremos uns adultos violentos.

En cambio, se nos esforzamos ,os que hoxe somos nenos, dentro duns poucos anos seremos os adultos que loitaremos por conseguir que:

Todos os nenos do mundo reciban cariño, comida e educación.

Ningún neno teña que participar nas guerras dos adultos.

Os países en guerra firmen acordos de paz.

Que todos teñan a posibilidade de acadar un traballo digno e ser máis felices.

Que os países ricos non gasten o seu diñeiro en armas senon en investigacións de novas medicinas, de aparellos que poidar predicir terremotos..inundacións etc .e así lograr que haxa menos mortos por cousas que poideran ser evitadas.

Por último recordemos que so poderá haber paz no noso arredor,  se cada un de nós trata aos demáis como nos gustaría ser tratados a nós.

E agora todos xuntos cantaremos dúas cancións que falan de paz.

Do 12 ao 16 de marzo conmemoramos a Semana da Prensa. Consultamos diferentes xornais e escollemos as noticias que nos chamaron máis a atención.

O día 8 de marzo celebramos o Día Internacional da Muller.

Dentro dos temas transversais programados, a igualdade de sexos ocupa un lugar destacado.

A actividade realizada consistiu nun debate sobre a pregunta:
Quen son máis importantes, as nais ou os pais?

O alumnado opinou de diferente forma, razoando as súas respostas:
- Son máis importantes as nais, porque van á compra, fan a comida, coidan aos fillos.
- Son máis importantes os pais, porque coidan aos fillos e ás nais, gañan cartos e despois as mamás gárdanos e gástanos en cousas para elas.
- Son igual de importantes, porque os dous coidan aos fillos, os dous gañan diñeiro.

Esta última foi a resposta maioritaria. Despois de certas reflexións dirixidas (Daquela as nais non coidan aos pais se estes están enfermos?; Non mandan os dous en vós?; Os pais non coidan aos fillos cando están enfermos ou cando teñen medo pola noite? ...) chegamos á conclusión de que son igual de importantes.

Despois houbo outra actividade: cada quen debuxou na súa libreta unha muller realizando un traballo, porque as mulleres traballan como cidadás que son. Alí poidemos ver condutoras, médicas, policías, bombeiras...

O curso pasado naceron os vermes de seda o 7-4-2011.

Este ano como vai máis calor xa naceron o problema é que aínda non hai moreira que é o único que poden comer.

A continuación vemos as fotos que fixemos o ano pasado

e que explican como se reproducen estes vermes.

Estes son vermes moi pequenos e ovos que aínda non naceron.



Aquí vemos que van medrando os vermes..

Os vermes comen moitísimo e fanse moi grandes.

Os vermes quedan moi quetos e comezan a formar o casulo cun fío que sae do seu corpo.

Do casulo sae unha bobolboreta que despois de poñer novos ovos morre en poucos días.

Benvido ao blog do 1º ciclo

Os profesores do primeiro ciclo dámosche a benvida ao noso blog